Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-deputetja e LDK-së, Melihate Tërmkolli, ka kritikuar përfaqësuesit e shtetit, pasi në Ditën e Pavarësisë dolën me heronjtë e tyre. Ajo ka thënë se nuk priten ditë të mira për vendin, derisa partitë i kanë heronjtë e tyre dhe përjashtojnë tjerët. Është marrëzi që të mohohet presidenti Rugova, themeluesit të shtetit të pavarur dhe Adem Jashari e UÇK-ja dhe Hashim Thaçi. Përfaqësuesit më të lartë të shtetit tonë, Ditën e Pavarësisë, në Kuvend, secili doli me heronjtë “e vet”! Nuk priten ditë të mira për një vend në të cilin secila parti politike ka heronjtë e vet, përjashtues me njëri tjetrin. Është marrëzi politike e kombëtare mohimi i presidentit Rugova, themeluesit të shtetit të pavarur dhe Adem Jasharit e UÇK- së, në cilëndo ngjarje kombëtare ndërsa në datën e shpalljes së pavarësisë është i patejkalueshëm edhe Hashim Thaçi! Kështu thotë logjika dhe vetëdija shtetërore kombëtare. Ata që guxojnë t’i mohojnë, t’i partizojnë e t’i personalizojnë, janë veç adoleshentë të rrezikshëm të politikës të cilët nuk meritojnë t’i mbajnë pozitat që kanë!”, ka shkruar Tërmkolli.
