Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Partisë Demokratike të Kosovës, Memli Krasniqi, ka bërë të qartë se partia që ai udhëheq nuk do ta mbështesë në asnjë rrethanë kandidaturën e Albulena Haxhiut nga Lëvizja Vetëvendosje për kryetare të Kuvendit të Kosovës. Deklarata e tij vjen pas përfundimit pa sukses të përpjekjes së dhjetë për konstituimin e Kuvendit, në një seancë të tensionuar ku mungesa e kuorumit dhe përplasjet rreth mënyrës së votimit vazhduan të bllokojnë procesin. Në mungesë të shumicës parlamentare, Albin Kurti dhe Vetëvendosje, edhe sot për të dhjetën herë, po tentojnë në mënyrë të paligjshme dhe jokushtetuese të imponojnë vullnetin e tyre,” u shpreh Krasniqi, duke akuzuar partinë në pushtet për keqpërdorim politik dhe shkelje të Kushtetutës. Ai tha se PDK nuk do të japë asnjëherë votën e saj për Albulena Haxhiun. “As herën e parë, as të dhjetën e as të njëqindtën nuk kalon Albulena Haxhiu, sepse nuk e meriton ky Kuvend ta ketë në krye një figurë të tillë,” deklaroi Krasniqi.
