Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënës i Gjykatës Speciale në Hagë, Michael Doyle ka njoftuar se në çështjen gjyqësore kundër: Hashim Thaçit, Kadri Veselit, Rexhep Selimit dhe Jakup Kranisiqit është miratuar pjesërisht kërkesa e Zyrës së Prokurorit që të pranohen si prova deklaratat me shkrim të disa dëshmitarëve që kanë dhënë dëshmi në çështje të tjera. Në konferencën për informimin javor, Doyle ka thënë se kjo kërkesë përfshinte edhe deklaratat e disa dëshmitarëve që tashmë kanë vdekur. Në të njëjtën çështje gjyqësore, më 15 dhjetor, trupi gjykues miratoi pjesërisht kërkesën e prokurorisë për të pranuar si prova deklaratat me shkrim të disa dëshmitarëve, përfshirë të dëshmitarëve që kanë dhënë dëshmi në çështje të tjera dhe më pas kanë vdekur. Zëdhënësi, Dojle ka thënë se ligji e përcakton se dëshmitë e dhëna në Tribunal dhe në gjykata të Kosovës mund të pranohen në gjykime.
