Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesori i gazetarisë, Milazim Krasniqi, ka shprehur pakënaqësi ndaj qasjes së Ambasadës së Shteteve të Bashkuara të Amerikës në Prishtinë, duke thënë se reagimet e saj po mbeten vetëm në nivel deklarativ dhe pa hapa konkretë veprimi ndaj zhvillimeve të fundit politike. Reagimi i tij erdhi pasi Ambasada amerikane kritikoi manovrën e Lëvizjes Vetëvendosje lidhur me moscertifikimin e rezultatit të Listës Serbe. Sipas Krasniqit, deklaratat publike nuk janë të mjaftueshme për të ndikuar në situatën politike. “Deri këtu vetëm fjalë kemi dëgjuar nga ambasada amerikane. Asnjë veprim. Qasja me fjalë e pa veprim vetëm sa ka trimëruar primitivët e pushtetit”, është shprehur Krasniqi. Ai, në reagimin e tij, nuk ka përmendur rolin dhe qëndrimin e përfaqësuesve të partive opozitare në Komisionin Qendror të Zgjedhjeve lidhur me këtë çështje. Deklarata ka nxitur reagime dhe debat në rrjetet sociale, ku po diskutohet roli i faktorit ndërkombëtar dhe i akterëve vendorë në proceset zgjedhore dhe institucionale në vend.
