Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Partisë Demokratike të Kosovës, Mimoza Ahmetaj, ka shprehur skepticizëm për mundësinë që Kosova të përfitojë nga fondi i Bashkimit Evropian prej 880 milionë eurosh, i dedikuar për Planin e Rritjes. Ahmetaj theksoi se sfidat e brendshme dhe sanksionet ndaj Kosovës përbëjnë pengesa të mëdha për përfitimin nga ky fond. Në prag të vizitës së Presidentes së Komisionit Evropian, Ursula von der Leyen, më 26 tetor, Ahmetaj e vlerësoi vizitën si të rëndësishme për zhvillimet e ardhshme në rajon dhe për të parë qëndrimin e BE-së në lidhje me përfitimet e Kosovës nga fondet e BE-së. Ajo, megjithatë, mbetet skeptike se Kosova do të mund të përfitojë nga ky fond për shkak të sanksioneve që vendi po përballet. Kosovës i takon një pjesë nga fondi prej 6 miliardë eurosh, ku rreth 880 milionë euro janë të dedikuara për të. Por është e vështirë të pritet që Kosova do të përfitojë ndonjëherë nga ky fond, duke pasur parasysh se vendi është ende nën sanksione,” tha Ahmetaj.
