Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Mjedisit dhe Planifikimit Hapësinor, Ferid Agani, ndaj të cilit është ngritur akuzë nga Prokuroria e Shtetit për kohën sa ishte ministër i Shëndetësisë, ka paralajmëruar se do të jap dorëheqje nga posti i tij. Duke njoftuar se tani ka bisedime në Qeveri për gjetjen e një zgjidhje, ai ka thënë se “nuk do që ta ushtrojë detyrën nën presionin e akuzës”. Ministri Agani ka thënë se çdo deklaratë për çështjen që akuzohet, do të jepet vetëm nga organet e drejtësisë. “Çështja është bërë gjyqësore, dihet se për çka jam i akuzuar dhe e vetmja që tash më intereson është verdikti sa më i shpejtë dhe përfundimtar i organeve të drejtësisë gjyqësore mbi pafajësinë time të plotë”, është shprehur ministri, Agani. Përndryshe, Zyra e Kryeprokurorit të shtetit ngriti të mërkurën një aktakuzë ndaj ministrit Agani dhe 63 personave të tjerë. Në njoftimin e Zyrës së Kryeprokurorit thuhet se aktakuza është ngritur ndaj një grupi të mjekëve për shpërdorim të detyrës dhe fondeve për dërgim të pacientëve për shërim jashtë vendit.
