Ministri Shala: Investime të rëndësishme në Pejë

20/09/2016 Institucionet

Ministri i Kulturës, Rinisë dhe Sportit, Kujtim Shala, na vazhdën e vizitave nëpër komuna të ndryshme të Kosovës, të cilat për qëllim kanë inspektimin e investimeve kapitale që zhvillon MKRS-ja, ka vizituar Komunën e Pejës, ku së bashku me kryetarin Gazmend Muhaxheri, ka parë nga afër punimet që po bëhen ne Qendrën Rinore në Pejë, investim ky i MKRS-së, në vlerë prej 250 mijë eurove, si dhe investimet në fushat e tenisit në këtë qytet.

Ministri Shala u shpreh i kënaqur me dinamikën e punimeve në Qendrën Rinore, e cila, sipas planit dinamik sivjet pritet të përfundojë.

Ministri Shala, u shpreh se kjo qendër është një prej investimeve të rëndësishme në fushën e rinisë, me çka për rininë e këtij qytet krijohen hapësira dhe kushte më të volitshme për zhvillimin e aktiviteteve të ndryshme.

Ndërsa kryetari i Pejës, Gazmend Muhaxheri, u shpreh se bashkëpunimi me MKRS-në ka ndikuar që Komuna e Pejës të përfitoi në investime kapitale, të cilat ndihmojnë përmirësimin e jetës kulturore, sportive dhe rinore në këtë vend.

Po ashtu, Shala dhe Muhaxheri, inspektuan nga afër punimet që po zhvillohen për katër fusha të tenisit, investim ky i MKRS-së.

Ministri Shala dhe kryetari Muhaxheri, u shprehën se ky investim në fusha të tenisit, sipas standardeve moderne, është një ndihmesë tejet e rëndësishme për zhvillimin e mëtejmë të këtij sporti.

Kontrolloni gjithashtu

Kryetari Kastrati ka uruar 1 Majin – Ditën e Punëtorëve

Kryetari i komunës së Malishevës, z. Ekrem Kastrati përmes një postimi në facebook ka uruar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara