Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Kulturës Rinisë dhe Sportit, Kujtim Shala, ka uruar xhudisten Majlinda Kelmendi, për suksesin e arritur në Lojërat Olimpike ”Rio 2016”, ku është kurorëzuar me medaljen e artë në kategorinë deri në 52 kg.
“Majlinda me talentin dhe suksesin e saj ka shkruar historinë e re të sportit të vendit tonë ngase sjellë medaljen e parë të artë olimpike për shtetin e Kosovës dhe fitorja e saj në Lojërat Olimpike “Rio 2016” është një dëshmi e sukseseve të sportit e të shtetit tonë. I dëshiroj suksese të mëtejme në rrugën e saj në sportin e xhudos, tha ministri Shala.
Ngadhënjimi i Majlindës dëshmon për cilësitë që ka sportistja e jonë që njëherësh është edhe krenaria e shtetit tonë. Dhe, suksesi i saj në Rio, na bën të gjithëve që të ndihemi krenarë, tha ai.
Ministri Shala u shpreh se MKRS-ja do të punojë në përkrahjen sportit në Kosovë duke mundësuar rritjen e cilësisë së tij dhe në përfaqësim sa më konkurrues në arenën dhe ngjarjet ndërkombëtare sportive.
