Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëdhënësi i Bashkimit Evropian, Peter Stano, njoftoi se në takimin e ri të nivelit të lartë të dialogut mes kryeministrit të Kosovës Albin Kurti dhe kryetarit të Serbisë, Aleksander Vuçiq, në rend dite do të jenë: miratimi i Deklaratës për të pagjeturit dhe drafti i parë i statutit për themelimin e Asociacionit të Komunave me shumicë serbe në Kosovë. Peter Stano nuk i ka komentuar kritikat e krerëve shtetërorë serbë për zgjedhjet lokale që u mbajtën më 23 prill në veriun e Kosovës të banuar me shumicë serbe. Ai po ashtu nuk komentoi as ankesat e paraqitura nga Beogradi lidhur me nisjen e procesit të anëtarësimit të Kosovës në Këshillin e Evropës. Zëdhënësi i BE-së, ka saktësuar se takimi do të përqendrohet në zbatimin e Marrëveshjes drejt normalizimit të raporteve. Si pikë e parë e agjendës do të jetë miratimi i Deklaratës për të pagjeturit. Pika e dytë do të jetë paraqitja e draftit të parë të statutit për formimin e Asociacionit të komunave me shumicë serbe. Pas këtyre dy temave do të shihet sesa mund të diskutohet edhe për çështje të tjera”, ka thënë, Peter Stano. (ReL)
