Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministria e Punëve të Jashtme dhe Diasporës është ankuar te misionet diplomatike të shteteve të QUINT-it në vendin tonë për arrestimin e shtetasit të Kosovës nga autoritetet serbe. “Ministria e Punëve të Jashtme dhe Diasporës e Kosovës ka njoftuar misionet diplomatike të vendeve të QUINT-it dhe delegacionin e Bashkimit Evropian lidhur me arrestimin e shtetasit nga Kosova M.I. nga autoritetet serbe për kinse krime lufte. Zyra Ndërlidhëse e Kosovës në Serbi i ka dërguar menjëherë kërkesë zyrtare Zyrës Ndërlidhëse të Serbisë në Kosovë për të konfirmuar vërtetësinë e rastit të arrestimit dhe për të siguruar informacionet relevante, përfshirë identitetin e plotë të personit të arrestuar, rrethanat e arrestit dhe lokacionin aktual ku ai po mbahet. Institucionet e Kosovës janë duke ndjekur nga afër këtë rast dhe do t’iu mbajmë të informuar rreth detajeve tjera, përfundon njoftimi, thuhet në njoftimin e Ministrisë së Punëve të Jashtme dhe Diasporës.
