KEK
Fillimi / Njoftime / Mt: Bashkëpunim mes Agjencisë Kadastrale të Kosovës dhe Autoritetit Norvegjez për Hartografi dhe Kadastër “Kartverket”
Mt: Bashkëpunim mes Agjencisë Kadastrale të Kosovës dhe Autoritetit Norvegjez për Hartografi dhe Kadastër "Kartverket"

Mt: Bashkëpunim mes Agjencisë Kadastrale të Kosovës dhe Autoritetit Norvegjez për Hartografi dhe Kadastër “Kartverket”

Prishtinë, 18 Shkurt – Qeveria Norvegjeze dhe Autoriteti Norvegjez për Hartografi dhe Kadastër “Kartverket” nëpërmjet Agjencisë Kadastrale të Kosovës ka ofruar një mbështetje financaire për prodhimin dhe instalimin e tabelave te numrave të hyrjeve të objekteve për disa komuna. Në bazë të konsultimeve mes ekspertëve norvegjez, ekspertëve të Agjencisë Kadastrale të Kosovës dhe përfaqësuesve të Komunave të ndryshme si dhe në bazë të nevojave dhe prioriteteve të Komunave, u vendos që përfituese të kësaj përkrahje të jenë Komuna e Kamenicës, Komuna e Vitisë, Komuna e Malishevës, Komuna e Obiliqit, Komuna e Ferizajit dhe Komuna e Klinës. Përndryshe, implementimi i këtij aktiviteti do të bëhet me bashkëfinancim mes Komunave dhe “Kartverketit”. Me qëllim të nënshkrimit të kontratave për këtë projekt, me datë 18 shkurt 2021 në ambientet e Agjencisë Kadastrale të Kosovës qënduan Kryetari i Komunës së Vitisë z. Sokol Haliti, Kryetari i Komunës së Kamenicës z. Qendron Kastrati, Kryetari i Komunës së Obliqit z. Xhafer Gashi, Nënkryteari i Komunës së Malishevës z. Hajdin Berisha, Drejtori i Drejtorisë për Urbanizëm në Komunën e Klinës z. Lorenc Marleku dhe Drejtori i Drejtorisë për Urbanizëm në Komunën e Ferizajit z. Lulzim Aliu. Përfitimet nga një projekt i tillë do të jenë shumëdimensionale si për komunat, ashtu edhe për institucionet tjera publike, institucionet komerciale dhe bizneset dhe për vetë qytetarët e Republikës së Kosovës. Me rastin e nënshkrimit të kontratave, prijësit dhe përfaqësuesit e komunave vlerësuan angazhimin e Agjencisë Kadastrale të Kosovës në përgjithësi dhe bashkëpunimin me komunat në veçanti, ndërsa Kryeshefi i AKK-së z Avni Ahmeti pos që o zotua në vazhdim të bashkëpunimit, kërkoi nga komunat që të caktojnë eksperetët përgjegjës për këtë projekt, si dhe kërkoi trajtimin e mundësive për ndarjen  e mjeteve financiare në baza vjetore për mirëmbajtjen e sistemit të adresave.

Zyra për Informim
Agjencia KAdastrale e Kosovës

Kontrolloni gjithashtu

Nesër në bibliotekën kombëtare “Pjetër Bogdani” në Prishtinë, në orën 12.00, mbahet “Ora e Lirisë”

Sot në Bibliotekën Kombëtare “Pjetër Bogdani” në Prishtinë, në orën 12.00, mbahet “Ora e Lirisë”

Nesër, më 5 mars, për nder të “Ditës së Dëshmorëve” dhe të Epopesë së Ushtrisë ...