Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Anëtari i kryesisë së Aleancës për Ardhmërinë e Kosovës, Muharrem Nitaj ka thënë se deklaratat skandaloze të zëvendëskryeministrit serb Ivica Daçiq, në Prizren, janë abuzim në kuadër të vizitës së tij në Kosovë dhe për këtë fajet i ka kryekëput Qeveria e Kosovës që lejon diçka të tillë. Daçiq në Prizren tha se Serbia nuk e ka ndërmend të kërkojë falje për luftën në Kosovë, ndërsa pohoi se Kosova nuk ka gjasa të anëtarësohet në UNESCO pa një marrëveshje paraprake me Serbinë. Nuk është hera e parë që zyrtaret serbë vinë në Kosovë dhe sillen sikur me ua pas lanë baba këtë vend. Nuk është hera e parë që ata bëjnë deklarata skandaloze dhe askush nuk merret me ta. “Por kjo, fatkeqësisht, nuk flet për ata, por për Qeverinë tonë skandaloze, dhe krejt hallin e ka si ta shpëtojë vetveten. Urgjentisht duhet të ndalën edhe zyrtarët serbë që abuzojnë me vizitat e tyre, por edhe Qeveria e Kosovës, që nuk po mund të qeverisë më tej vendin”, tha Nitaj.
