Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri, Isa Mustafa priti në takim drejtorin e Zyrës për Evropën Jugore dhe Qendrore në Departamentin e Shtetit, Thomas Yazdgerdi, i cili shoqërohej nga ambasadori i SHBA-ve, Greg Delawie të cilët i njoftoi me përparimin e shumanshëm të vendit tonë dhe për objektivat e Qeverisë së Kosovës në të ardhmen. Duke shfaqur mirënjohjen e Qeverisë dhe të popullit të Kosovës për përkrahjen e vazhdueshme të SHBA-ve ai theksoi se SHBA-të do të jenë përherë partneri kryesor strategjik i Republikës së Kosovës. Drejtori i Zyrës për Evropën Jugore dhe Qendrore në Departamentin e Shtetit, Thomas Yazdgerdi, vlerësoi të arriturat në Kosovë duke çmuar punën e institucioneve të Kosovës. Ai theksoi se Shtetet e Bashkuara të Amerikës do të vazhdojnë të ofrojnë përkrahje të mëtejme për Kosovën në të gjitha fushat. Në takim u bisedua edhe për çështje të tjera që lidhen me zhvillimet politike në Kosovë si dhe në rajon.
