Naim Tërnava

Myftiu, Naim Tërnava: Asnjë kompromis me terroristët

Me rastin e sulmit terrorit në Mynih të Gjermanisë, myftiu i Kosovës, mr. Naim Tërnava ka deklaruar se mbrëmë njerëzimi u përball edhe më një akt të rëndë terrorist, nga i cili pësuan qytetarë të pafajshëm. Sulmi në Munih është vazhdimësi e akteve terroriste që kanë për qëllim atakimin e vlerave hyjnore, humane e njerëzore, përmes dhunës, frikës e terrorit. Kemi ndjesi e dhembshuri  të veçantë me atakimin e Gjermanisë dhe popullit gjerman, sepse ne si popull e shtet tek Gjermania e gjermanët, në ditët tona më të vështira kemi gjetur mbështetjen, përkrahjen dhe ndihmën e pakursyer, që për ne është e paçmuar. Në këto momente të rënda shpreh përkrahjen dhe mbështetjen time për autoritet gjermane, si dhe ngushëlloj familjet e viktimave, duke e lutur Zotin që të plagosurit të shërohen sa më parë. Ngushëlloj  e  ndaj dhimbjen edhe  me familjet e bashkatdhetarëve tanë, për humbjen e më te dashurve të tyre nga sulmi i mbrëmshëm. Për më tepër, sulmi mbi Gjermaninë është atak mbi një vend e një popull që parandaloi krizën e refugjatëve, duke evituar njëkohësisht një katastrofë humanitare që trokiste në dyert tona shkruan mes tjerash myftiu, Tërnava.

Kontrolloni gjithashtu

Shaip Kamberi

Shaip Kamberi nuk ka arritur të fitojë mandatin e deputetit në Kuvendin e Serbisë pas rivotimit që u bë në Tërnoc

Koalicioni i Shqiptarëve të Luginës ka marrë vetëm 598 vota, ndërkaq Kamberit i duheshin së …