Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në seancën e tretë të dëshmisë në Dhomat e Specializuara të Kosovës në Hagë, dëshmitari Naim Maloku ka theksuar se është e vështirë të kuptohet funksionimi i Ushtrisë Çlirimtare të Kosovës, e cila u ngrit nga një popull i robëruar. Maloku deklaroi se UÇK ka qenë një ushtri vullnetare dhe se ishte e vështirë për të kuptuar strukturën dhe veprimtarinë e saj, duke e lidhur atë me qëllimin për çlirimin e Kosovës. Ai gjithashtu u pyet për disa individë të njohur si Mensur Kosumi dhe Faton Mehmetaj, ku sqaroi se nuk ka pasur njohuri të thella për detyrat e tyre, veçanërisht për pozitën e Kosumit si shef i zbulimit. Maloku po ashtu përmendi disa dokumente që iu prezantuan gjatë seancës, duke shprehur dyshime për autenticitetin dhe origjinën e tyre, sidomos në lidhje me Lulzim Morinën dhe emërimet në Brigadën 135. Maloku sqaroi se nuk ka pasur njohuri për ndonjë emërim të tillë në atë periudhë.
