Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Partisë Demokratike të Kosovës, Nait Hasani, ka ftuar qytetarët që të protestojnë pranë Kuvendit të Kosovës për të kërkuar zhbllokimin e situatës politike dhe për të shtyrë përpara një zgjidhje institucionale. Hasani tha se PDK-ja po pret vendimin e Gjykatës Kushtetuese lidhur me formën e votimit për kryetarin e Kuvendit, duke shtuar se kanë ekzistuar edhe përpjekje për të bindur deputetët që të votojnë kandidatin për këtë pozitë. Në lidhje me bllokadën në Kuvend, ai bëri thirrje për angazhim qytetar: “Unë kisha pas dëshirë që të gjithë qytetarët të mblidhen pranë Kuvendit, ta bëjnë protestën dhe t’i detyrojnë deputetët ta bëjnë një zgjidhje,” theksoi deputeti i PDK-së. Për zhvillimet në Kuvend pritet që Gjykata Kushtetuese të japë një përgjigje që mund të ndikojë në drejtimin institucional të vendit.
