Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nasim Haradinaj, ish-nënkryetar i Organizatës së Veteranëve të Luftës së UÇK-së, ka kritikuar ashpër mënyrën si u organizua protesta kundër kryetares së Dhomave të Specializuara, Ekaterina Trendafilova. Haradinaj e quajti protestën “për marre dhe qyqarllëk”, duke e akuzuar OVL-UÇK-në, se nuk pati guxim ta marrë përgjegjësinë publike për thirrjen e saj. Sipas tij, megjithëse efekti u arrit dhe Trendafilova anuloi konferencën e planifikuar, organizata duhet të kishte vepruar hapur dhe jo në mënyrë të fshehtë. “Jam i kënaqur me rezultatin, por i pakënaqur me mos guximin për ta pranuar publikisht organizimin e protestës, qoftë edhe në mënyrë simbolike”, u shpreh Haradinaj. Kjo deklaratë vjen në vazhdën e kritikave brenda dhe jashtë organizatës për rolin e saj në diskursin publik për Gjykatën Speciale.
