Në Deçan u mbajt dëgjimi buxhetor për Kornizën Afatmesme Buxhetore

19/06/2025 Institucionet

Në kuadër të procesit të hartimit dhe diskutimit të buxhetit komunal, u mbajtën dëgjimet buxhetore me qytetarët e Komunës së Deçanit, këshillat e fshatrave, si dhe përfaqësues të sektorëve të Arsimit, Shëndetësisë etj. Në këtë takim ishin të pranishëm Kryetari i Komunës së Deçanit, z. Bashkim Ramosaj, Drejtoresha për Buxhet dhe Financa, znj. Dafina Cacaj, kryesusi i Kuvendit komunal, z. Hajdar Sutaj, drejtorët e Drejtorive Komunale dhe përfaqësues të tjerë të administratës komunale.

Gjatë dëgjimit, qytetarët patën mundësinë të paraqesin kërkesat, propozimet dhe shqetësimet e tyre lidhur me planifikimin dhe shpenzimin e buxhetit për vitin 2026. Drejtoresha për Buxhet dhe Financa, znj. Dafina Cacaj, prezantoi prioritetet kryesore të Komunës dhe theksoi rëndësinë e pjesëmarrjes aktive të komunitetit në këtë proces.

Qëllimi i këtyre dëgjimeve është të sigurohet transparencë dhe bashkëpunim ndërmjet institucioneve dhe qytetarëve, duke u mbështetur në nevojat reale të komunitetit.

Kontrolloni gjithashtu

Në 26 vjetorin e çlirimit të Skenderajt, nëna e Adem dhe Hamëz Jasharit bëhet me shtatore

Komuna e Skenderajt ka shënuar të mërkurën 26-vjetorin e çlirimit. Me rastin e shënimit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara