Në disa shkolla të komunës së Deçanit u mbajtën ligjërata informuese, në kuadër të fushatës “16 Ditët e Aktivizimit kundër Dhunës në Familje dhe në Baza Gjinore”

10/12/2025 Institucionet

Në kuadër të fushatës informuese dhe ndërgjegjësuese “16 Ditët e Aktivizimit kundër Dhunës në Familje dhe në Baza Gjinore”, sot u mbajtën ligjërata informuese në Shkollën Fillore “Maxhun Çeku” në Irzniq, “Heronjtë e Dukagjinit” në Gllogjan dhe “Drita” në Gramaçel.

Koordinatorja komunale kundër dhunës në familje, Ajne Iberhysaj, informoi nxënësit për rëndësinë dhe qëllimin e aktiviteteve, ndërsa ligjëratat u zhvilluan nga:

• Xhavit Nimanaj, shef i sektorit hetues kundër dhunës në familje;

• Violeta Kukalaj, zyrtare për arsim;

• Begije Jonuzaj, psikologe shkollore.

Nxënësit shfaqën interesim të veçantë për funksionimin e mekanizmit kundër dhunës në familje, si dhe për mënyrën e trajtimit të rasteve nga policia dhe institucionet tjera. Ata parashtruan pyetje dhe morën përgjigje të drejtpërdrejta nga anëtarët e mekanizmit.

Në fund, u shpreh falënderim për stafin arsimor dhe nxënësit për bashkëpunimin dhe angazhimin e tyre në këtë fushatë me rëndësi të veçantë për komunitetin.

Kontrolloni gjithashtu

U mbajt mbledhja inauguruese e Kuvendit Komunal, kryetari Haliti merr mandatin e katërt

Kuvendi Komunal i Vitisë, ka hapur zyrtarisht mandatin e ri me një seancë inauguruese solemne, …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara