Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori ekzekutiv i Këshillit Joqeveritar për Politika Strategjike me seli në Beograd, Nikolla Lluniq, ka deklaruar se në Samitin e NATO-s që u mbajt më 11 dhe 12 korrik në Vilnius të Lituanisë, dialogut mes Kosovës dhe Serbisë i është dhënë përkrahje e plotë dhe janë ftuar të dyja palët që ta shtendosin situatën në veri. I pyetur nëse pret që përfshirja më e madhe e NATO-s të ndikojë më shumë në këtë drejtim ai veçoi se Aleanca nuk do të lejojë asnjë incident, rritje të tensioneve apo krizë në Ballkanin Perëndimor. Lluniq tha se takimi i presidentit serb Aleksandër Vuçiq me Sekretarin e Përgjithshëm të NATO-s, Jens Stoltenberg, është i mirëseardhur jo vetëm për interesat kombëtare të Serbisë, por edhe për të gjithë rajonin. Është mirë të shkëmbehen jo vetëm informacione për trupat, por edhe informacione të inteligjencës dhe sa më shumë bashkëpunim në fushën e sigurisë, aq më mirë për qytetarët e Serbisë dhe gjithë rajonin, tha Lluniq.
