Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në zgjedhjet e djeshme në Serbi, ka fituar bindshëm, kryetari aktual i Serbisë, Aleksander Vuçiq nga Partia Konservatore Progresive Serbe (SNS). Shumë analistë në Serbi mendojnë se pavarësisht fitores, Vuçiqi nuk mund ta shtyjë gjatë mandatin pasi duhet të deklarohet decidivisht lidhur me marrëdhëniet e përhershme miqësore me Moskën, apo me BE-në pas pushtimit të Ukrainës nga Rusia? Vuçiq, ish ministri i informimit i Sllobodan Millosheviqit, ka qenë figura dominuese politike në Serbi gjatë dekadës së fundit. Gjatë asaj kohe, ai është akuzuar gjithnjë e më shumë për sundim autokratik, i nxitur nga mediat masive miqësore ndaj qeverisë dhe nga kapja e shtetit. Por ndërsa zotërimi i tij në skenën e brendshme politike është mjaft i qëndrueshëm, ai ndodhet në pozitë jashtëzakonisht të palakmueshme në skenën ndërkombëtare për shkak të luftës së Rusisë në Ukrainë dhe marrëdhënieve të tij shumë të afërta me Putinin.
