Nënkryetari Nura dhe Ministri Shala nënshkruajnë marrëveshje bashkëpunimi

26/04/2017 Institucionet

Nënkryetari i Komunës së Skenderajt Fadil Nura dhe Ministri i Kulturës Kujtim Shala kanë nënshkruar dy marrëveshje bashkëpunim për financimit të projekteve në fushën e sportit dhe kulturës. Marrëveshja e parë do të mundësojë përfundimin e ndërtimit të Palestrës së Sportit në Skenderaj, e cila ka filluar së ndërtuari vite më parë dhe është projekt vital për sportistët e Skenderajt. Qëllim i marrëveshjes është përshpejtimi i procedurave dhe i punëve përfundimitare në këtë projekt, që do t’i realizojë Komuna e Skenderajt. Ndërsa marrëveshja e dytë ka të bëjë me finacimin e projektit të renovimit të Qëndrës së Kulturës “Hasan Prishtina” në Skenderaj. Projekti për këtë investim në fushën e kulturës është hartuar vitin e kaluar nga Komuna e Skenderajt, ndërsa edhe në këtë projekt procedurat e mëtutjeshme do t’i udhëheqë Komuna e Skenderajt. Gjithashtu Nënkryetari Nura dhe Ministri Shala kanë vendosur që të nisin punimet edhe në përfundimin e fazës përfundimtare të Kullës së heroit Ilaz Kodra, si dhe në ngritjen e shtatores së Idriz Rrecajt në qytetin e Skenderajt. Më rastin e nënshkrimit të këtyre marrëveshjeve Nënkryetari Nura u shpreh shumë i lumtur pasi investimet në të dy fushat janë prioritet i Komunës së Skenderajt, sidomos i nevojshëm është përfundimi i Palestrës Sportive, që për vite të tëra ka qenë pengesë për sukses të sportistëve të Skenderajt.

Kontrolloni gjithashtu

Kryetari Agim Aliu priti në takime ndaras disa nga kandidatët për deputet nga radhët e PDK-së

Kryetari i komunës së Ferizajt, z. Agim Aliu në kuadër të aktiviteteve të rregullta ditore …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara