Nënshkruhen kontratat në mes kryetarit Bahtrirt dhe 7 bizneseve për investime në Parkun Industrial në Mitrovicë

04/05/2016 Institucionet

Kryetari i Komunës së Mitrovicës, Agim Bahtiri, së bashku me përfaqësuesit e 7 bizneseve vendore dhe ndërkombëtare kanë nënshkruar kontratat për dhënien e parcelave dhe fillimin e investimeve në Parkun Industrial në fshatin Frashër të komunës së Mitrovicës.

Kryetari Bahtiri me këtë rast u shpreh tepër i kënaqur për një mundësi  të tillë sepse kjo është  sipas kryetarit Bahtiri, mbi të gjitha mundësi për bizneset dhe qytetarët e Mitrovicës.

“Ky  takim është njëri nga takimet më të rëndësishme në punën time si kryetar i Mitrovicës.

Kjo për arsyen që po takojë përfaqësuesit e biznesit që sot janë shtylla e zhvillimit ekonomik.

Sot, po nënshkruajmë bashkërisht këto kontrata me zotimin që secili nga ne do të bëjmë maksimumin që ta përmbushim atë pikë për pikë aq sa na takon, dhe në këtë mënyrë të kontribuojmë në zhvillimin ekonomik të qytetit tonë.” – theksoi ndër të tjera kryetari Bahtiri.

Përfaqësuesit e bizneseve që nënshkruan kontratat theksuan që ky është një moment i rëndësishëm në rrugëtimin e tyre biznesor, për zgjerimin e mëtejmë të bizneseve të tyre, që përfshijnë  fusha të ndryshme, nga materialet ndërtimore, industriale, bujqësore etj.

Këto biznese shumë shpejtë do të fillojnë implementimin e projekteve të tyre, kurse komuna garanton lehtësimin e procedurave të nevojshme për përparimin sa më të shpejtë të tyre.

Kontrolloni gjithashtu

Komuna e Vitisë shpërndan 70 motokultivatorë shoqëruar me frezë për fermerët përfitues

Komuna e Vitisë ka shpërndarë sot 70 motokultivatorë të shoqëruar me frezë, për fermerët përfitues …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara