Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-shefja e delegacionit të Kosovës në dialogun me Serbinë, Edita Tahiri, ka theksuar se mungesa e një gjuhe të përbashkët politike po e pengon vendin të ketë një president të unitetit. Në një reagim publik, Tahiri ka nënvizuar se vetëm përmes konsensusit politik mund të arrihet funksionalitet më i mirë institucional dhe përfaqësim unifikues në krye të shtetit. Deklarata e saj shihet si një kritikë e tërthortë ndaj mandatit të presidentes aktuale, Vjosa Osmani. “Vetëm një gjuhë e përbashkët politike sjell një president të unitetit dhe funksionalitetit të shtetit dhe jo si në mandatin e kaluar…”, ka shkruar Tahiri, duke lënë të kuptohet se, sipas saj, ky standard nuk është përmbushur më parë. Kjo deklaratë vjen në një kohë kur skena politike në vend vazhdon të karakterizohet nga përçarje dhe mungesë konsensusi për çështje kyçe shtetërore, përfshirë edhe zgjedhjen e presidentit të ardhshëm.
