Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nga bombardimet izraelite në Liban dhe në Rripin e Gazës janë vrarë dhjetëra njerëz. Një sulm ajror izraelit i vrau të paktën 23 njerëz në fshatin Almat, në veri të Bejrutit dhe në pjesë jugore dhe lindore të Libanit, ku grupi militant Hezbollah ka prani. Ministria e Shëndetësisë e Libanit tha se gjashtë njerëz u plagosën. Izraeli nuk e ka komentuar sulmin ende. Radio Evropa e Lirë njofton se në veri të Rripit të Gazës, një sulm izraelit mbi një shtëpi që po strehonte njerëz të zhvendosur në kampin e refugjatëve në Xhabalia, vrau të paktën 17 njerëz. Drejtori i Spitalit Al-Ahly në qytetin Gaza, Fadel Naim ka thënë se në mesin e të vdekurve janë nëntë gra, dhe se numri i të vdekurve mund të rritet.
