Fillimi / Lajmet / Nga Taksa 100% te paralajmërimi për reciprocitet, Serbia ripushton Kosovën me importin e mallrave, Vetëvendosja hesht…
Për 18 vjet Kosova importoi nga Serbia produkte ushqimore dhe joushqimore në vlerë prej 5 miliardë euro

Nga Taksa 100% te paralajmërimi për reciprocitet, Serbia ripushton Kosovën me importin e mallrave, Vetëvendosja hesht…

Lëvizja Vetëvendosje, në përpjekje për të ndërtuar kauzën, me qëllim për të mashtruar qytetarët e vendit dikur protestonte duke i rrëmbyer, përplasur e përmbysur  kamionët që sillnin mallra nga Serbia, pastaj për të ardhur në pushtet pranoi t’ia heqë taksën 100% mallrave Serbisë, të cilat ia kishte vënë Qeveria Hajredinaj, kishte paralajmëruar reciprocitet me Serbinë në gjitha fushat  dhe prej kur erdhi në pushtet e harroi dhe nuk e përmendi më reciprocitetin,  dhe,  më në fund pranoi që Serbia të jetë importuesi më i madh i mallrave, në Kosovë, duke i bërë të mundur Qeverisë së Vuqiqit  t’ i përfitojë disa qindra milionë fitime gjatë vitit, duke dëmtuar rëndë prodhuesit vendorë dhe duke e akuzuar kryeministrin e Shqipërisë për marrëdhënie të mira ekonomike madhe edhe vëllazërore me Serbinë.

Lëshimi pe deri në këtë shkallë nga Qeveria Kurti, që po i bëhet Serbisë e mallrave serbe, madje duke dëmtuar edhe importin me mallra të Shqipërisë e shteteve të tjera fqinje, duke ia siguruar Serbisë prioritetin, ka pranuar  të bëhet një “banana Republikë” e varur prej mallrave nga Serbia, duke ia hapur dyert për një  kolonizim të heshtur  ekonomik.  Pushtimi i tregut të Kosovës  me mallra nga Serbia, ia çjerrë deri në neveritje maskën Qeverisë Kurti, e cila nuk përmend më aksionet me përmbajtje të sovranitetit ekonomik e tregtar por ka pranuar në heshtje të bëhet vend i varur nga mallrat e Serbisë, ndërsa duke kundërshtuar fuqishëm dhe me pompozitet “Ballkanin e hapur” në të cilën Kosova aktualisht ka vendin e parë si koloni e Serbisë dhe jo si partneri i barabartë.

Agjencia e Statistikave të ka  njoftuar se Serbia kishte pjesëmarrjen më të madhe të importeve në tregun e Kosovës.  Serbia renditet e para nga shtetet me importin më të lartë me 6.4%, për 6- mujorin e parë, kurse Shqipëria, e dyta me 5.6% dhe Maqedonia e Veriut, 5.2%.  Importet nga vendet e CEFTA-s në periudhën janar-qershor 2021, arritën në 390 milionë euro, ose 19% të importeve të përgjithshme, me një rritje prej 67%.

Nga Serbia, importet u rritën me 143%, nga Shqipëria me 61%, nga Maqedonia e Veriut me 26%. Agjencia e Statistikave thotë se nga të dhënat e grupeve kryesore për import, produktet minerale përbëjnë pjesën më të madhe, apo 17%, ndjekur nga makineritë, pajisjet mekanike dhe elektrike, me 13.4%.

“Kurse, 13.1% e përbëjnë ushqimet e përgatitura, pijet dhe duhani, 9.7% e përbëjnë metalet bazë dhe artikujt prej tyre, 9% e përbëjnë mjetet e transportit, 8% e përbëjnë produktet e industrisë kimike dhe 6.4%, plastika, goma dhe artikujt prej tyre”. Partneri kryesor i Kosovës për importet vijon të mbetet Gjermania (14.2%), e ndjekur nga Turqia (12.9), Kina (9.2%) dhe më pas Serbia (6.4%) Më gjerësisht  në Analiza

 

Kontrolloni gjithashtu

Albulena Haxhiu: Qeveria e Kosovës ka marrë vendim për lirimin nga puna të grave shtatëzëna nga institicionet publike edhe ato private

Qeveria rritë pagat për disa kategori sociale gjatë garës së balotazh, meqë Vetëvendosja edne nuk ka fituar në asnjë komunë

Në mbledhjen e Qeverisë së Kosovës, pikërisht në kohën e zgjedhjeve për balotazh, është miratuar ...