Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në fjalimin e tij pas takimit në Bruksel, kryetari i Serbisë, Nikoliq ka thënë për mediet në Beograd se i ka thënë zonjës Mogherini se nuk mund të bisedohet me liderët e Kosovës, meqë ata po paraqiten si përfaqësues të një shteti të pavarur, të cilin po e pranon edhe BE-ja. Ai më tej ka sqaruar se zonja Mogherini i ka thënë se jo të gjitha shtetet e BE-së e kanë njohur pavarësinë e Kosovës. Nikoliq ka saktësuar se Serbia po vepron sipas Kushtetutës, e cila e trajton Kosovën si pjesë të Serbisë dhe në këtë kuadër ai ka shprehur gatishmëri për bisedime dhe dialog me liderët e Kosovës, por ka kërkuar që ata t’ i kryejnë obligimet që i kanë marrë në saje të marrëveshjeve të arritura deri tani.
