Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ekspertë të sigurisë po vlerësojnë se zgjedhjet në veri mund të shtyhen apo edhe të mos mbahen fare, si shkak i presionit të vazhdueshëm nga Lista Serbe e grupeve në atë pjesë ndaj qytetarëve serb. Ditët e fundit në këtë pjesë janë djegur disa vetura me targa RKS, që serbët lokal i kishin konvertuar pas kërkesës së Qeverisë së Kosovës. Madje u raportua se në Rashkë të Serbisë sipas AKI-së, po zhvillohen stërvitje që qëllim kanë destabilizimin. Eksperti i Sigurisë, Nuredin Ibishi, tha se të gjitha incidentet e krijuara deri më tani edhe bojkotimi i Listës Serbe janë të orekestruara nga Beogradi. Të gjithë këto tensione bëhen nëpërmjet ekstremistëve serb në veri. Tash kemi edhe arrestimin e parë i cili është i involvuar në këtë edhe nën hetime janë shumë të tjerë. Ka të dhëna të mjaftueshme për pjesëmarrjen e tyre në këto akte. I kemi 8 vetura të djegura në Zubin Potok, në Mitrovicë të veriut, në Zveçan edhe në Leposaviq. Edhe sulmi ndaj zyrtarëve policorë e tregon përshkallëzimin e tensionimit në kuptim që të pengohen zgjedhjet duke i bojkotuar ato në kohën e aplikimit mes 11 subjekteve të tjera. Nuredin Ibishi është i bindur se zgjedhjet do të shtyhen përkundër faktit që reagimet nga aleatët ndërkombëtarë kanë qenë në favor të Kosovës.
