Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ambasadori i Francës në Kosovë, Olivier Guerot, ka deklaruar se themelimi i Asociacionit të komunave me shumicë serbe nuk paraqet rrezik për krijimin e një entiteti të ngjashëm me Republikën Srpska, duke theksuar se ky asociacion do të funksionojë brenda kornizës kushtetuese të Kosovës. “Nuk është një Republikë Srpska, aspak. Lexoni sërish Marrëveshjen e Dejtonit. Jemi në përvjetorin e 30-të të kësaj marrëveshjeje. Shikoni se çfarë është Republika Srpska dhe krahasojeni me statutin. Nuk ka asnjë ngjashmëri. Nuk ka polici për Asociacionin. Nuk ka funksione legjislative. Asociacioni do të jetë nën Kushtetutën e Kosovës, jo pjesë e saj siç është Republika Srpska,” u shpreh Guerot. Ai shtoi se nëse Kosova e merr me seriozitet këtë çështje dhe nis procesin e implementimit duke e dorëzuar statutin për shqyrtim në Gjykatën Kushtetuese, kjo do të kishte ndikim pozitiv në arenën ndërkombëtare, veçanërisht në qëndrimin e Francës.
