Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Organizatat e dala nga lufta e Ushtrisë Çlirimtare të Kosovës i kanë bërë thirrje të gjitha partive politike, e veçanërisht partisë fituese të zgjedhjeve, që të gjejnë urgjentisht zgjidhje për konstituimin e institucioneve. Në një konferencë për media, përfaqësuesi i Organizatës së Veteranëve të Luftës, Gazmend Syla, shprehu shqetësimin e thellë për krizën politike, duke kujtuar se deri tani janë bërë 48 tentime të dështuara për konstituimin e Kuvendit të Kosovës. “Kjo situatë tregon mungesë të vullnetit politik për zgjidhje. Gjykata Kushtetuese ka dhënë afatin përfundimtar për konstituim më 26 korrik, dhe çdo tejkalim i këtij afati përbën shkelje të Kushtetutës”, tha Syla. Ai paralajmëroi se nëse partitë politike nuk reflektojnë deri më 26 korrik, organizatat e dala nga lufta nuk do të qëndrojnë duarkryq. “Nuk kërkojmë privilegje apo favore politike, kërkojmë vetëm zbatimin e Kushtetutës. Kosova është ndërtuar me gjakun e dëshmorëve dhe kjo sakrificë nuk do të lejohet të nëpërkëmbet”, theksoi Syla.
