Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Është dëmtuar Lapidari i dëshmorit të kombit, Ekrem Berisha. Kundër këtij akti të shëmtuar ka reaguar Organizata e Veteranëve të Luftës në Pejë, duke thënë se nëse nuk respektohet e kaluara, ajo do të përsëritet. “Është e turpshme përdhosja e këtillë e lapidareve në të cilat janë përjetësuar ata që ranë për lirinë tonë. Si organizata që përfaqësojmë dhe mbrojmë vlerat e luftës dënojmë ashpër këtë akt të shëmtuar. Nëse nuk respektojmë të kaluarën, do të na përsëritet”, thuhet në reagimin e OVL-së. Për dëmtimin e lapidarit të luftëtarit të UÇK-së, Ekrem Berisha ka reaguar edhe deputeti Bekë Berisha, i cili ka bërë thirrje që prindërit duhet të përkujdesen që të ju flasin fëmijëve të tyre për shenjtërinë e secilit monument, ku përjetësohet Lufta e Ushtrisë Çlirimtare të Kosovës.
