Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Aleancës për Ardhmërinë e Kosovës, Pal Lekaj, ka deklaruar se lideri i Nismës Socialdemokrate, Fatmir Limaj, ka rënë në kurthin politik të kryeministrit në detyrë, Albin Kurti. Lekaj tha se nuk e kupton arsyen pse Limaj ka zgjedhur të bashkëpunojë me Kurtin, duke e konsideruar këtë si një vendim të gabuar politik. “Nuk e di pse ka rënë në këtë grackë. Në opozitë kam bashkëpunuar edhe me Vetëvendosjen, edhe me zotëri Kurtin, edhe me zotëri Limajn më tepër, dhe i di qëndrimet e tyre. Kur e njoh një njeri, kur e di se ku e ka qëllimin, nuk mundet të më përdorë për një përdorimësh,” u shpreh Lekaj. Deklaratat e tij vijnë në kohën kur kanë marrë hov spekulimet për një bashkëpunim të mundshëm mes Lëvizjes Vetëvendosje dhe Nismës Socialdemokrate, megjithëse deri më tani nuk është arritur ndonjë marrëveshje konkrete.
