Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati Dastid Pallaska ka kritikuar ashpër Lëvizjen Vetëvendosje, duke e quajtur atë një parti tipike populiste që, sipas tij, po përmbys sistemin demokratik të vendit.
“Lufta më e pandershme politike është ajo që po zhvillon Vetëvendosje kundër demokracisë, kundër rendit kushtetues dhe ndarjes së pushteteve. Është një parti e përmbysjes së çdo sistemi, sado jo i përsosur që të jetë,” tha Pallaska për Betimi për Drejtësi.
Ai u shpreh i habitur me mënyrën si zyrtarë të institucioneve të pavarura, si prokurorë e gjyqtarë, e marrin këtë betejë si personale.
“Vetëvendosja nuk e ka problemin me individët, por me vetë ligjin dhe Kushtetutën. Atyre u pengon çdo kufizim ndaj pushtetit të pakufizuar që synojnë ta instalojnë,” theksoi ai.
Pallaska shtoi se Vetëvendosjes po i pengojnë edhe zyrtarët që vetë i ka vendosur, në momentin që këta e kufizojnë autoritetin e saj absolut.
