Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Partia Demokratike e Kosovës ka mbajtur mbledhjen e rregullt të Kryesisë, ku një nga çështjet kryesore të diskutuara ishte vendimi i fundit i Dhomave të Specializuara në Hagë për refuzimin e kërkesës për lirimin me kusht të z. Kadri Veseli, z. Jakup Krasniqi dhe z. Rexhep Selimi. Kryesia e PDK-së ka shprehur shqetësimin dhe indinjatën e saj ndaj këtij vendimi, duke e cilësuar atë si një veprim të padrejtë dhe të papranueshëm, që bie ndesh me standardet ndërkombëtare të drejtësisë dhe me të drejtat themelore të të akuzuarve. Pas përfundimit të fazës së prokurorisë dhe në mungesë të ndonjë rreziku për ndikim në procesin gjyqësor, lirimi me kusht ka qenë një e drejtë legjitime dhe e arsyeshme. Refuzimi i saj përbën një mohim të kësaj të drejte themelore. PDK do të vazhdojë të mbështesë të drejtën e ish-krerëve të UÇK-së për një gjykim të drejtë dhe të paanshëm, duke u angazhuar njëkohësisht për mbrojtjen e dinjitetit dhe kontributit të tyre në çlirimin e Kosovës.
