Përfaqësuesit nga Kosova me pjesëmarrje dinjitoze në takimin e Sektorit të Evropës Jugore të CIOFF në Lorca, Spanjë

12/05/2025 Institucionet

Në qytetin Lorca të Spanjës po mbahet takimi i sektorit të Evropës Jugore të CIOFF (Këshilli Ndërkombëtar i Organizimeve të Festivaleve Folklorike dhe Arteve Tradicionale), ku me prezencë dinjitoze po merr pjesë edhe Kosova.

Në këtë ngjarje ndërkombëtare, Kosovën po e përfaqësojnë z. Arsim Abazi, përfaqësues zyrtar i CIOFF për Kosovën dhe Eron Abazi, përfaqësues i të rinjve. Gjatë takimit, ata po prezantojnë raportin mbi aktivitetet kulturore, festivalet dhe grupet artistike nga vendi ynë, si dhe po marrin pjesë në përgatitjet për Kongresin Botëror të CIOFF që do të mbahet në nëntor 2025 në Kili.

Përfaqësuesit kosovarë kanë zhvilluar edhe takime me karakter kulturor dhe institucional, ndërsa janë pritur ngrohtësisht nga Kryetari i Qytetit të Lorcës.

Z. Arsim Abazi ka shprehur falënderim të veçantë për institucionet që kanë mbështetur këtë pjesëmarrje, veçanërisht duke theksuar mirënjohjen për Kryetarin e Komunës së Vitisë, z. Sokol Haliti, për përkrahjen e vazhdueshme ndaj aktiviteteve kulturore dhe ndërkombëtare të komunitetit artistik nga Vitia.

Kontrolloni gjithashtu

Me 15 Maj mbahet Akademi Perkujtimore per shtate Deshmoret e Vitise te Brigades 138 “Agim Ramadani”

Më 15 Maj në ora 11.00, në sallën e madhe të Shtëpisë së Kulturës “Gursel dhe …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara