Përkujtohen në përvjetorin e rënies dëshmorët e kombit, Skender Kastrati dhe Sabri Morina

26/08/2026 Institucionet

Kryetari i komunës së Rahovecit, z. Smajl Latifi, bashkë me familjarë, me bashkëluftëtarë dhe me qytetarë nga Malësia e Vogël dhe Vrajaka, nderuan në përvjetorin e rënies dëshmorët e kombit, Skender Kastrati dhe Sabri Morina, të cilët ranë për të mos vdekur kurrë, më 26 gusht 1998.

Skender Kastrati dha kontribut të madh në luftën çlirimtare, duke ndihmuar furnizimin me armë e municione luftëtarët e lirisë. Sot, emri i tij jeton në kujtesën tonë, ku shkolla dhe rruga e mbajnë emrin e tij.

Sabri Morina, i ri në moshë, u kthye nga kurbeti për t’i dhënë gjithçka atdheut dhe ra heroikisht në Goden të Hasit, krah shokëve të tij të armëve dhe të idealit, Astrit Rrushi, Besmir Brati dhe Naim Qemaj nga zona e Hasit, ka shkruar në profilin e tij në Facebook, kryetari Smajl Latifi.

Lavdi të përjetshme dëshmorëve të atdheut!

Lavdi Skender Kastratit dhe Sabri Morinës!

Kontrolloni gjithashtu

Kryetari Sami Lushtaku priti në takim Veteranët e UÇK-së

Kryetari i komunës së Skenderajt, Sami Lushtaku ka pritur në zyrën e tij bashkëluftëtarët dhe …

Radio Kosova e Lirë 94.2 FM
Kjo ueb-faqe mirëmbahet nga Radio Kosova e Lirë. Materialet dhe informacionet e publikuara në këtë faqe, të cilat janë pronë e Radio Kosovës së Lirë dhe të redaksisë “Dëshmorët e UÇK-së”, nuk mund të kopjohen, riprodhohen, shtypen apo të përdoren në çfarëdo forme tjetër për qëllime përfitimi, pa lejen paraprake të redaksisë. Radio Kosova e Lirë mban të gjitha të drejtat e rezervuara, në përputhje me dispozitat ligjore që rregullojnë të drejtat e autorit dhe pronën intelektuale. © Copyright 2005 - 2026, Të gjitha të drejtat e rezervuara