Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mbledhja e Kuvendit të Serbisë u ndërpre të martën pas përplasjeve fizike, tymit dhe përdorimit të gazit lotsjellës. Kryeparlamentarja Ana Bërnabiq ndërpreu seancën pasi u ndezën mjete piroteknike.
Opozita kishte paralajmëruar bojkot, duke mbështetur protestat e studentëve dhe qytetarëve që kërkojnë drejtësi për 15 viktimat nga shembja e një strehe në stacionin hekurudhor të Novi-Sadit në nëntor. Protestuesit fajësojnë qeverinë për korrupsion.
Tensionet shpërthyen kur pushteti miratoi rendin e ditës, që opozita kundërshtoi. Përfshinte 62 pika, mes tyre ndryshimet në Ligjin për Arsimin e Lartë dhe dorëheqjen e kryeministrit Millosh Vuçeviq, dhënë më 28 janar pas protestave. Opozita kërkonte shqyrtimin e vetëm një pike, duke argumentuar se një qeveri në dorëheqje nuk mund të miratojë ligje të rëndësishme.
