Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Një përmbytje e papritur ka ndodhur në minierën e Artanës, ku shpërthimi i ujit nga horizonti i gjashtë ka shkaktuar dëme të konsiderueshme materiale. Ngjarja ndodhi pasi uji i grumbulluar shpërtheu brenda minierës, duke përfshirë oborrin në pak minuta. Fatmirësisht, tre punonjës që ndodheshin në horizontin e gjashtë i shpëtuan përmbytjes, pasi ishin larguar për pushim pak minuta më parë. Mbikëqyrësi i minierës, Liridon Mehmeti, shpjegoi se përmbytja u shkaktua nga grumbullimi i ujit në një hapësirë prej 650 metrash. “Pas daljes së punëtorëve për pushim, uji filloi të rridhte dhe më pas shpërtheu,” tha ai. Nga ana tjetër, drejtori i minierës, Hasim Berisha, siguroi se objektet dhe pajisjet nuk dolën jashtë funksionit. Ish-drejtori i Minierës së Trepçës, Ferat Shala, fajësoi keqmenaxhimin për këtë incident, duke e cilësuar atë si pasojë të paaftësisë menaxheriale dhe teknike. “Nuk ka asnjë reagim institucional për këtë ngjarje. Kjo është një vepër penale mjedisore. Nëse jashtë duket kështu, brenda minierës vetëm Zoti e di çfarë ka ndodhur,” tha Shala në një reagim publik.
