Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Philip Reeker: SHBA kërkon partneritet të besueshëm, jo lojëra politikeNë prag të zgjedhjeve të parakohshme parlamentare, diplomati amerikan Philip Reeker ka dhënë një mesazh të qartë për Kosovën: vendi ka nevojë për një qeveri funksionale, që mund të bashkëpunojë dhe të jetë partner i besueshëm i Shteteve të Bashkuara. Reeker kritikoi indirekt qeverisjen aktuale, duke theksuar se procesi i dialogut me Serbinë është penguar për shkak të vendimmarrjes së dobët dhe mungesës së gatishmërisë për zbatimin e marrëveshjeve të arritura më parë. “Është shumë e vështirë të negociohet dhe të propozohet zgjidhje të reja kur nuk ke një qeveri që mund të marrë vendime dhe të angazhohet seriozisht,” tha ai. Diplomati amerikan rikujtoi se qytetarët e Kosovës dhe të gjithë rajoni meritojnë institucione që lënë pas çështjet e vjetra dhe krijojnë mundësi për përparim. Ai nënvizoi se Shtetet e Bashkuara kanë ofruar mbështetje të vazhdueshme, por pa një qeveri që vepron me përgjegjësi, përparimi mbetet i kufizuar. Në të kaluarën, Reeker nuk ka kursyer kritikat për aktet e dhunës politike, duke e quajtur troç disa prej akteve të Vetëvendosjes ndaj përfaqësuesve amerikanë si të papranueshme. Ky ton i ashpër nënkupton nevojën për qeveri që nuk e keqpërdor pushtetin për lojëra politike, por që mund të angazhohet në mënyrë konstruktive me partnerët ndërkombëtarë.
