Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pjesëtari dhe eprori i Ushtrisë Çlirimtare të Kosovës, Dritan Goxhaj është arrestuar në Tiranë, sipas kërkesës së Gjykatës Speciale. Bëhet me dije se arrestimi i Goxhajt është ekzekutuar nga punonjësit e Policisë në Tiranë, e cila ka ushtruar kontroll në banesën e tij, për llogari të Gjykatës Speciale të Kosovës, raporton News24. Dritan Goxhaj ka qenë shoqërues i trupave amerikane gjatë Luftës në Kosovë gjatë vitit 1999. Ai i është bashkuar UÇK-së si oficer i Ushtrisë Shqiptare në shkollën e aviacionit dhe ka pasur autorizimin e Shtabit të Përgjithshëm që të mbante kontakte me komandën e forcave amerikane në Shqipëri. Arrestimi i Goxhajt mësohet se është bërë me pretendimin se ka zbuluar emrat e dëshmitarëve të mbrojtur të disa çështjeve penale, të ngritura pas luftës në Kosovë.
