Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pjetër Shala, i cili u dënua me 18 vjet burgim nga Gjykata speciale në Hagë për krime lufte, ka kërkuar anulimin e këtij dënimi në seancën e parë të apelit. Mbrojtja e tij ka argumentuar se vendimi i shkallës së parë është i pavlefshëm, pasi për dënimin janë përdorur deklarata të dhëna nga Shala pa prani të avokatit të tij, në vitet 2016 dhe 2019, gjatë hetimeve nga autoritetet belge. Avokati i Shalës ka theksuar se këto deklarata janë marrë në kushte që cenojnë të drejtat e tij. Sipas tij, Shala është dënuar për krime që nuk janë përmendur në aktakuzë dhe kjo e bën dënimin të padrejtë dhe të bazuar në një kurth. Gjykata e Apelit ka dëgjuar këto argumente dhe pritet që seanca të vazhdojë në ditët në vijim, ndërkohë që prokuroria ka mbrojtur vendimin e shkallës së parë, duke theksuar se provat e paraqitura vërtetojnë fajësinë e Shalës. Ai është akuzuar për ndalim arbitrar, torturë dhe vrasje të paligjshme gjatë luftës, dhe është dënuar për krime kundër të paktën 18 personave, ndërsa gjykimi vazhdon për të shqyrtuar kërkesën e mbrojtjes.
