Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Presidenti i Shqipërisë, Bajram Begaj, në fjalën e tij gjatë seancës plenare të Asamblesë Parlamentare të NATO-s, theksoi rëndësinë e paqes dhe sigurisë në Ballkanin Perëndimor, duke e cilësuar Kosovën si “realitet të pakthyeshëm”. Begaj tha se vendet e rajonit e kuptojnë më mirë se kushdo tjetër çmimin e paqes dhe stabilitetit, ndërsa vuri në dukje rolin qendror të NATO-s në këtë drejtim. “NATO është aleanca më e fuqishme, më e bashkuar dhe më e suksesshme në histori. Ajo përfaqëson një aleancë politike, ushtarake dhe morale, e bazuar në mbrojtje kolektive dhe vlera të përbashkëta”, u shpreh Presidenti. Ai theksoi se për Shqipërinë, anëtarësimi në NATO në vitin 2009 ishte një kthesë historike që afirmoi identitetin euroatlantik të vendit. “Shqipëria mbetet e përkushtuar ndaj misionit të Aleancës dhe është gati të marrë më shumë përgjegjësi për sigurinë evropiane”, deklaroi Begaj.
