Presidenti i Shteteve të Bashkuara të Amerikës, Xho Baiden ka akuzuar Kongresin e SHBA-ve për tërheqjen e trupave ukrainase nga Avdiivka në lindje të Ukrainës. Rënia e Avdiivka konsiderohet si fitorja më e madhe për Rusinë që nga viti i kaluar, kur mori nën kontroll Bakhmutin. Pas rënies së këtij qyteti, Shtëpia e Bardhë ka njoftuar se presidenti, Xho Baiden në bisedën telefonike e ka siguruar presidentin ukrainas, Volodimir Zelenski se do të vazhdojë të ketë mbështetje dhe ka theksuar nevojën për ndihmë urgjente nga ana e Kongresit që pritet të miratojë paketën e re të ndihmës për Ukrainën. “Ushtria ukrainase ka qenë e detyruar të tërhiqet nga Avdiivka për shkak të mungesës së municionit, që është rezultat i mos reagimit të Kongresit dhe me fitoren e parë të rëndësishme për Rusinë në disa muaj”, ka njoftuar Shtëpia e Bardhë pas një telefonate të zhvilluar mes Bidenit dhe presidentit ukrainas Volodymyr Zelenski.
Kontrolloni gjithashtu
Gazmend Syla: Aksioni ndaj Trendafilovës ishte simbolik, jo për ta frikësuar – nuk është në traditën shqiptare
Gazmend Syla, nënkryetari i Organizatës së Veteranëve të Luftës së UÇK-së, ka sqaruar se aksioni …