Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në një konferencë për media të mbajtur sot nga Agjencia e Statistikave të Kosovës , u bë e ditur ecuria e punës në terren për Regjistrimin e Popullsisë, Ekonomive Familjare dhe Banesave në Kosovë. Kjo është java e fundit e regjistrimit të popullsisë në Kosovë, sipas planit të përcaktuar. Procesi i regjistrimit filloi më 5 prill dhe do të vazhdojë deri më 17 maj të këtij viti. Zëdhënësja e ASK-së, Hazbije Qeriqi, njoftoi se procesi deri tani ka shkuar mirë, duke raportuar se ka pasur pak sfida gjatë punës në terren. Sipas të dhënave të fundit, janë mbi 1 milionë e 300 mijë qytetarë që janë regjistruar si popullsi rezidente dhe afërsisht 400 mijë të tjerë janë regjistruar në platformën elektronike e-diaspora. Regjistrimi i fundit i popullsisë u krye në vitin 2011, duke treguar se Kosova ka mbi 1 milionë 700 mijë banorë.
