Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Propaganda serbe ka kaluar në nivel lufte speciale ndaj Kosovës, me qëllim që Asociacioni i Komunave me shumicë serbe të ketë përkrahje të gjerë ndërkombëtare. Disa medie serbe, ndonëse nuk shqetësohen për të gjetur fakte, kanë nisur të spekulojnë për gjoja rrëmbimin e fëmijëve serbë në Kosovë. E përditshmja serbe ‘Veçernji Novosti’ shkruan se në komunat Lipjan dhe Graçanicë po ndodhin sulme ndaj fëmijëve serbë, sidomos rrëmbime. Të gjitha këto spekulime, gazeta në fjalë i mbështet në pohimet e Zlatko Llaziq, i cili e quan vetën si “kryetar i organit të përkohshëm të komunës së Lipjanit”. Këtyre spekulimeve i është bashkëngjitur edhe kreu i komunës së Graçanicës, Vladeta Kostiq, i cili ka thënë se ka pasur rrëmbime edhe të vajzave serbe në disa fshatra të kësaj komune.
