Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Më 1 maj, në Ditën Ndërkombëtare të Punëtorëve, Federata Sindikale e Punëtorëve Teknikë të Sektorit Privat protestoi në Prishtinë nën moton “Qeveri – Kompani, është bërë vonë, kthjelluni ose lamtumirë”. Kryetari i sindikatës, Jusuf Azemi, deklaroi se punëtorët trajtohen si skllevër dhe kërkoi rritjen e pagës në sektorin privat në 600 euro, sigurime shëndetësore, marrëveshje kolektive dhe krijimin e një gjykate të punës. Protestuesit theksuan se pagat aktuale prej 230 eurosh nuk mjaftojnë për jetesë. Sipas të dhënave zyrtare, paga mesatare në Kosovë është 702 euro, ndërsa sektori privat punëson mbi 300 mijë persona. Instituti i Kosovës për Drejtësi kritikoi institucionet për dështimet në miratimin dhe zbatimin e ligjeve për të drejtat e punëtorëve, duke përmendur edhe numrin alarmant të viktimave në vendet e punës. Protesta u mbajt edhe nga sindikatat e KEK-ut, Trepçës dhe grupe të tjera qytetare.
