Qerimane Polisi: Ky Nëntor pa Ty

07/11/2014 Kultura

Tema të tjera...

Nëntor pa ty

Ky Nëntor i lavdisë

Nëntor i festave dhe krenarisë

Nëntor ku gërshetohen pikëllimi, lavdia

Se pa ty këtë Nëntor syri loton nga mërzia.

—-

Se për mot festës i jepje simbolikë

Me lule mbi varre dëshmorësh

E sot 61 lulet e jetës tënde

Do t’i thuren kurorës.

—-

Në këtë nëntor ku ti nuk je

Plot pikëllim jemi edhe ne

Se ky nëntor i festave kombëtare

Pa ty na gjeti si bora mbi male.

—-

Se festonim bashkë nëntorët

Ti, unë, atdheu, me flamur

Një ditëlindje së bashku e kishim

E sot jemi të lodhur nga loti

Që na mashtron e rrjedh mbi flamur.

—-

A ta shpalos flamurin për ditëlindje?

Apo si përkujtim të ditës kur ike?

E 61 lule kurorës t’i vendosi

Plot krenari për rrugën që hapërove ti

E flamuri kombëtar të përcolli në përjetësi.

Qerimane Polisi: Në 6-mujorin e ndarjes nga jeta dhe 61-vjetorin e lindjes së prof. dr. Mehdi Polisit

Një jetë me ty

Të përcolla në çdo hap të jetës. Në punë, në vuajtje e gëzime, së bashku ndamë të gjitha sfidat e jetës, ishe mbështetje e krah i imi, kur sëmundja rëndoi mbi mua. Ti kurrë nuk u lodhe, ti kurrë nuk ndale punën, as atëherë kur sundimi shekullor lëshoi kërbaçin mbi çerdhet e dijes. Ishe krah i studentëve, nuk i braktise as edhe për pasuritë e botës, as për të mirat e jetës, me zell, përkushtim, durim, sfidove jetën, sakrifikove veten, shëndetin dhe familjen. Edhe në terr, në dritë qiriri dhe në të ftohtë, Ti nuk iu ndave dijes, se betimi yt ish që mbi Zotin, dijen dhe punën me nderë, nuk vendos asgjë tjetër. Ne si familjarë jemi krenarë që të patëm Zot shtëpie, të patëm bujarë, të sinqertë, besnik e të palodhur, bashkëshort, mik, shok, që kurrë nuk i deshi të keqen askujt. U mundove që mos lësh anash familjen, miqtë e studentët, prandaj edhe sikur një jetë ta kishim jetuar bashkë, Ti përsëri nuk do të ndryshoje qëndrimin tënd. 60 vjet tuat shembëlluan e na bënë të jemi krenarë që të patëm. Sot gjashtë muaj pa Ty, sa një mal mbi ne, në 61-vjetorin e lindjes, me mungesën tënde fizike, na bëjnë që të ngushëllohemi me udhën që ti e trasove me nder, mirësi, sinqeritet e atdhedashuri.

Me Ty krenarë gjithmonë!

Pa ty

Pa Ty kemi ra, si zogu pa krah

Se Ty të patëm mbështetje

E tash të lodhur

Si udhëtarë me etje.

E sytë na u tretën

Se ngushëllime e forcë ishe Ti

Ti ishe ditë në syrin tim

E tash kam mbetë si fëmijë jetim.

Pa Ty jemi plot pikëllim

Se mbi ne një vello me tym