Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zhvillimet e fundit të lidhura me agjendën antievropiane në rajon janë tregues i qartë se është në lëvizje një projekt i organizuar, i mbështetur nga qendra të fuqishme proruse dhe prokineze, me qëllim që të rrëzohet rendi demokratik në Ballkan dhe të ndalet procesi i integrimit evropian.
Bëhet fjalë për një projekt të mirëorganizuar dhe të mbështetur politikisht, mediatikisht dhe financiarisht nga forca anti-perëndimore që duan ta izolojnë rajonin dhe ta kthejnë atë në një zonë nën ndikimin e autokracive lindore.
Në këtë skenar të rrezikshëm, Qeveria e Maqedonisë së Veriut dhe e Republikës Serbska, e udhëhequr nga Dodik, janë në vijën e parë të frontit për sabotimin e agjendës së BE-së në rajon.
Për fat të keq, pjesëmarrës aktivë janë bërë edhe disa fraksione shqiptare në pushtetin aktual, vasalë të përzgjedhur dhe të kontrolluar nga Mickoski përmes Prokurorisë, me qëllim që të fshihen aferat kriminale që rëndojnë mbi ta.
Këta “partnerë shqiptarë”, të paaftë dhe të korruptuar, nuk mund të jenë mbrojtje legjitime për një projekt kaq të rrezikshëm, antishqiptar dhe antievropian.
E themi qartë: Shqiptarët kurrë nuk do të lejojnë që shteti të bëhet aleat i Dodikut, si instrument për sabotimin e Brukselit në rajon.
Nuk do të pranojmë të bëhemi peng i një agjende që do të çmontojë barazinë, demokracinë dhe perspektivën evropiane të shtetit tonë.
