Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjysma e afatit kushtetues për formimin e Qeverisë së re të Kosovës ka kaluar, por procesi mbetet i paqartë. Kryeministri në detyrë, Albin Kurti, ka paralajmëruar vetëm “nisjen e negociatave”, pa sinjale konkrete për ndonjë marrëveshje ose shumicë të mundshme parlamentare. Lëvizja Vetëvendosje, që doli fituese në zgjedhjet e 9 shkurtit, gjendet nën presion për të siguruar mbështetjen e nevojshme në Kuvend. LVV-ja ka përjashtuar bisedimet me PDK-në, ndërsa ka lënë të hapur mundësinë për bashkëpunim me LDK-në. Megjithatë, zyrtarë të LDK-së thonë se “deri më tani nuk ka pasur as takime e as ftesa për koalicion”. Marrëveshja lokale në Vushtrri mes LVV-së dhe ish-kandidatit të LDK-së, Xhafer Tahiri, është dënuar nga qendra e partisë, që e cilësoi si “veprim individual e të papranueshëm”. Afati 15-ditor për prezantimin e Qeverisë skadon më 26 tetor, pas së cilës presidentja Vjosa Osmani mund t’ia japë mandatin një kandidati tjetër. Ndërkohë, një ankesë e Listës Serbe në Gjykatën Kushtetuese për zgjedhjen e Nenad Rashiqit si nënkryetar të Kuvendit mund të komplikojë edhe më shumë procesin institucional.
