Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Të paktën 230 protestues janë arrestuar pas incidenteve që ndodhën në protestën e djeshme me pjesëmarrjen e rreth 50 mijë protestuesve kundër masave anti-COVID-19 në kryeqytetin e Belgjikës, në Bruksel. Ministrja e Brendshme, Annelies Verlinden tha se 230 persona janë arrestuar pasi rreth 50 mijë persona nga shumë vende të Evropës si Franca, Holanda, Gjermania janë mbledhur dje në afërsi të institucioneve të BE-së në Bruksel për të protestuar kundër masave të pandemisë. Ajo njoftoi se policia tashmë është duke analizuar pamjet e kamerës për të identifikuar protestuesit e tjerë. Protesta e dhjetëra mijëra njerëzve të mbledhur në parkun e Vitit të 50-të pranë institucioneve të BE-së kundër masave të pandemisë në Bruksel u bë skenë e dhunës. Mes grupit që theksohet se janë anëtarë të organizatës majtiste Antifa dhe policisë kishte ndodhur një përplasje, ndërsa shumë automjete civile dhe atyre të policëve ishin dëmtuar. Policia, nga ana tjetër, intervenoi me gaz lotsjellës dhe topa uji, kurse protestuesit gjithashtu kishin dëmtuar disa ndërtesa, stacione të autobusëve dhe një stacion të metrosë. Përfaqësuesi i Lartë i Bashkimit Evropian (BE) për Marrëdhëniet me Jashtë dhe Politikën e Sigurisë, Josep Borrell, pas incidenteve kishte vizituar ndërtesën dhe kishte dënuar sulmin.
